想去海賊王夏日嘉年華嘅朋友
請！三！思！
作為一個One Piece死忠同嘉年華嘅員工
好老實講：咦個嘉年華
真係伏到一個點！！！
做第一日我已經同朋友講：唔好去！死忠為影相嘅，50蚊入場仲可以接受。但為玩嘅，400蚊入場，你去海洋公園好過啦！
.
先講場內佈置。
啲game唔係睇宣傳廣告講到咁正嫁！
現實中只係幾個脫水嘅水上嘉年華嘅充氣活動，再係隔離係咁易加啲One piece紙牌
啲跳彈牀同滑梯上你根本見唔到OP嘅公仔同圖案，同OP都扯唔上關係...
基本上佢係咁易換啲紙牌就可以變成
火影嘉年華，一拳超人嘉年華，689嘉年華...
同埋場內影相位又唔算好多，各大宣傳片見到嘅幾個影相位已經係全部，唔玩野就咁影相嘅話十分鐘就行完😓
.
玩個方面，Nami滑梯會唔夠水加唔夠衝力，滑到一半就會卡住，要行幾步滑埋淨低個半。
4in1障礙賽仲伏！係冇瓦遮頭嘅！
同事街客曬到狗咁，彈牀仲辣到可以煎蛋！
特別係第二三關熱到好多客叫救命！
同事行過掂到都辣到彈起！
但咦兩關你基本上冇可能唔摸或攬住個彈牀。
第四關就時不時冇水搞到滑唔到。
吹到，一個唔夠水嘅夏日嘉年華，可以有幾消暑？
而且廣告話就話有八個action game
但你真係會玩嘅，只係得兩條滑水梯同個障礙賽，其如都係kid zone嘅小朋友彈牀...
.
另外OP咁多首主題曲，作為fans嘅我
一心諗住場內播嘅音樂點都有一兩首經典op ed bgm曲啦！
點知佢竟然係播土耳其進行曲同小步舞曲
仲要洗腦咁不停播，完全冇One Piece歌
唔係着住制服，我以為自己去左隔離大會堂...
.
場內物價高到離譜唔在講，就算買左全日票，攤位遊戲係要另外比錢玩嘅，同埋職員係冇員工福利嫁！
所以唔洗再問身邊有做嘅朋友有冇飛有冇token啦！佢日日都收晒我地啲員工證，連我地自己放假想去玩，都講到明要自己比錢買飛買套票先有得入場玩，又點比免費飛同充值卡你地去玩呢！
.
打出黎除左係想發泄下比人當狗嘅不滿之外，仲想表達下作為死忠對今次嘉年華嘅極度失望
開幕前一日去brief，一心諗住可以先睹為快，點知睇完個下已經謝左大半！
到正式開幕，連個少少嘅興奮感覺都冇埋！
唉，搞到咁唔好搞算啦！
P.S. 點解我夠膽打出黎？因為做得太辛苦，博緊炒XD我黎做都係為One Piece為員工福利姐，點知你乜都冇，咁做為乜做落去？人工又唔係高。
Search